麵包機 Round 7 - ROTIBOY

Rotiboy,其實是一間由馬來西亞檳城賣墨西哥咖啡包賣到街知巷聞的麵包店,而家分店遍佈馬來西亞,印尼甚至杜拜,佢地最出名,就係佢地既墨西哥咖啡包,離遠就聞到陣陣咖啡香,放入口仲有啖啖牛油香味

小妹因工作關係,初初第一次飛一轉Jarkata,有位印尼呀姐買左好多Rotiboy番黎請我地食,仲話拎多個番屋企放入微波爐叮熱佢都好好食,從此...就對lee個包念念不忘,飛去檳城,買!飛去KL,買!去到Bali,買!點知去到Dubai見到佢,賣貴印尼Rotiboy5倍,照買!!!有一次同朋友一齊飛去Bali參加婚禮,落機即刻買!行行下街見到又買!臨番香港再買!最近成功整到鮮奶球,身邊朋友靈機一觸,話不如試下Rotiboy,well,why not???

麵包機 Round 6 - 玫瑰花饅頭

今日年初一,首先祝大家馬上發財,日日有食神~
農曆新年,所以想整中式包包,於是我就向饅頭SAY HI~參考了不同食譜,很多都是自己發酵沒有用麵包機,而對於我這個新手來說,實在不敢越級挑戰,於是就試下用機整個麵糰出黎啦~~~

麵包機 Round 5 - 鮮奶球

未做空姐之前,我曾是教育界人士,每朝7點半就出門口連早餐都冇時間食,只好去某便利店買個鮮奶球加盒豆漿在的士入面5分鐘為司機大佬表演鯨吞早餐一次,雖然大啖大啖食,但其實我對這鮮奶球情有獨鍾,可能我嗜甜吧~

我從"龜仔的生活點滴"找到食譜,所以仲唔開工咩!!!

材料: (大概11個)

麵包機 Round 4 - 卷呀卷包包

完全迷上了麵包造型~總覺得這樣一個一個弄好再派街坊零舍有成功感~
有了麵包機幫手第一次發酵,我就是上下網,淘下寶,睇下LC GROUP入面有冇野敗,機一響就整型喇~

最近飛了澳洲一趟,所以買來了很多乾果同Mixed seeds,今次就弄個柑橘醬杏甫乾卷~

麵包機 Round 3 - 牛奶吐司 (湯種+學會滾圓)

由於上次個提子包第一次滾圓唔識滾,滾到"岩岩慚慚",今日把心一橫滾個似樣既吐司出黎!!!

滾圓是用來作鬆弛和麵包造型的技巧,話難不難,話易,又不像搓湯圓般容易,我今次的最大發現,就是首先要把每個麵糰重量都要量得平均,然後把麵糰裹成一個球狀,把參差不齊的邊邊駁位都拉到麵糰底部收好就是了!!!

麵包機 Round 2 - 蜜糖提子餐包 (麵糰+湯種)

"火燭鬼"是我老爸給老媽起的花名,寓意好心急
而我,大概有老媽丁點遺傳,一學會簡單麵包製法,便心急用麵包機整麵糰向高難度挑戰 - 用湯種兼用麵包機先弄麵糰

麵包機 Round 1 - 普通牛奶白麵包

對於我這個烘焙新手來說,就算麵包機的最大賣點是"放對材料按下[開始]鍵,麵包好快在你眼前",我始終會因為材料的"甩漏"或差異令自己非常困擾。因為對於我這懶人,有點像肥媽"食平D"入面,打開雪櫃,見有甚麼材料,便用甚麼材料,特別以烘焙為例,如非刻意上烘焙店一趟,我家雪櫃絕不能會有甚麼cream cheese呀,unsalted butter呀,藍莓茸呀之類的材料,但我綜合說明書,烘焙食譜以及網上各麵包達人的資料,歸納出以下整麵包的must have items: